Ekitongole ekivunaanyizibwa ku nguudo mu Ggwanga ki Uganda National Roads Authority – UNRA kyaddaaki kikirizza bbaasi okuddamu okuyita ku lutindo lw’okumugga Katonga ku luguudo oluva e Kampala okudda e Masaka.
Bbaasi zibadde zimaze akaseera nga zigaaniddwa okuyita ku lutindo luno olubadde lutereezebwa nga kino kyaddirira enkuba okulwonoona.
Okusinziira ku kiwandiiko ekyafulumiziddwa aba UNRA, obuzito obutasukka ttaani 30 bwebukyakkiriziddwa okuyita ku lutindo luno era basabye abagoba b’ebidduka okugoberera ennambika eriwo ku nkozesa yalwo nga bwebalumaririza.