Ekitongole ekya Uganda Railways Corporation kyaddaaki kyeddizza okuddukanya Kkampuni y'eggaali y'omukka nga kigiggya ku Rift Valley Railways Limited esimbye amakanda mu Kenya.
Ekiwandiiko ekyassiddwako omukono gwa Charles Kateeba Managing Director wa Uganda Railways Corporation kigamba nti emigugu n'ebyabasaabaze byonna bizze mu kitongole ekya Uganda Railways Corporation
Kino kyakkaanyizibwako oluvannyuma lwa Gavumenti ya Yuganda okusalawo okuyimiriza endagaano gyeyali ekkaanyizzaako ne Kkampuni eno nga ne gginaayo eya Kenya bweyakola bwebaali ab'okuddukanya oluguudo lw'eggaali y'omukka okuva e Kenya okudda mu Yuganda kumala emyaka 25 nga luno luweza kkiromita enkumi bbiri mu bisatu mu ataano mu ssatu.
Leave a Reply
You must be logged in to post a comment.