Elly Muhumuza, Commissioner Planning & Development, owa Uganda Prisons Service ategeezezza akakiiko ka Palamenti nti Eggwanga lyetaaga okuzimbayo amakomera amatonotono (mini-max) agalinga Kitalya 16 okusobola okukendeeza ku mujjuzo oguli mu makomera. Muhumuza agamba nti amakomera mangi galina abasibe abakubisaamu emirundi 5 abo abalina okusibirwamu.
Ono agamba nti okumalawo kino balina okutwala enkola ya Kitalya mu maaso nga bazimba lwakiri amakomera 16 amaggya nga buli kitundu kirimu ekkomera erisobola okubeeramu abasibe 4000.
Muhumuza ategeezezza akakiiko ka Palamenti akavunaanyizibwa ku nsonga zomunda mu Ggwanga nti buli kkomera eryo limalawo obuwimbi 102 n’obukadde 900 okulizimba.