Uganda Police Force ngeyambibwako Abasirikale ba Flying Squad bakutte akabinja kabantu abagambibwa okupangisibwa okutta abantu nga kino kidiridde

🎵 Uganda Police Force ngeyambibwako Abasirikale ba Flying Squad bakutte akabinja k’abantu abagambibwa okupangisibwa okutta abantu nga kino kidiridde bano okutta Eriab Makumbi nga mutuuze w’e Kannamunungu ekisangibwa e Bamunaanika gwebatta mu butanwa nga baali bapangisiddwa kutta eyali omubalirizi w’ebitabo Isaac Kasirye omutuuze w’e Ntinda mu Kampala. Kigambibwa nti Makumbi eyali akyadde bweyafuluma okwetewuluzaako nebamutema nga balowooza ye Kasirye.
Abakwatiddwa kuliko Isma Ntale aka Brown, Julius Ssali, Godfrey Kiggundu ne Immaculate Nakanwagi nga batuuze ku kyalo Bbuto e Kyampisi mu Gombolola ye Bamunaanika. Godfrey Kiggundu atute Poliisi nagiraga engeri gyeyattamu Makumbi wabula nasaba bamusonyiwe kuba Ntale ne Ssali bebamuwubisa. Kiggundu agamba nti baali bamusuubiza obukadde 500 nti wabula nebamuwaako emitwalo 35 gyantambula, wabula nekeera bamutegeeza nga bweyasse atali mutufu era nebamuwa emitwalo 20 addeyo atte Kasirye era olwazimuwa naddayo natta Kasirye gweyasanga mu nnyumba namutematema. Ono agam