Hon. Mathias Mpuuga Nsamba; “Tekyali kyangu kukulembera Kibiina kipya nga ababaka ebitundu 90 ku 100 bonna bapya mu Palamenti nga bangi kubbo baali tebakikiriza nti baali batuuse mu Palamenti. Twakola okusalawo okutaali kwangu okuva mu Democratic Party netusalawo okutandika era netweyunga ku kibiina ekipya.
Mu kaseera wetwaviirayo netutegeeza nti twali twagala okuwa Mw. Kyagulanyi (Bobi Wine) omukisa akulembera ekibiina ekipya, twalina okunnyonyola bekikwatako ennyo nti ono yani, abantu batono nnyo abaali bamumanyi olwebirowoozo bye mu byobufuzi.”