Omumyuuka w’omukubiriza w’olukiiko olukulu olw’eggwanga Anitah Among asiimye nnyo Gavumenti ya Turkey bwevuddeyo netegeeza nga bwegenda okutonera Yuganda eddagala erigema ekirwadde kya #COVID-19.
Ono abadde mu nsisinkano n’ababaka okuva ku kitebe kya Turkey mu Yuganda abamusanze ku Palamenti nebamutegeeza nga Turkey nayo bwekoze eddagala erigema ekirwadde kya Lumiimamawuggwe nga balindirira kulikakasa nti era kino bwekinaggwa, Yuganda ejjakuba emu ku nsi ezisooka okufuna ku ddagala lino.
Among ategeezezza nti kuno kujja kuba kuyambibwa kwamaanyi nnyo nekubyenfuna by’eggwanga kuba bikyali wansi nnyo okugulira buli Munnayuganda eddagala erigema.
Leave a Reply
You must be logged in to post a comment.