Tunoonyezza Bwette naye talabikako – LOP Ssenyonyi

Akulira oludda oluwabula Gavumenti Munnakibiina kya National Unity Platform Joel Ssenyonyi avuddeyo nategeeza nti bagezezzaako okuzuula Daniel Bwete eyaddukira mu Kkooti ku nsonga y’ensimbi akawumbi 1 mu obukadde 700 Bakamisona ba Palamenti zebegemulira nga akasiimo nga baagala okujjulira ku nsala ya Kkooti nti wabula ababuze nategeeza nti awo wandibaawo akazannyo mu Kkooti.

Ono awakanyizza ebibadde bitambuzibwa nti ensala ya Kkooti eno yatema Bakamisona 4 okuli; Mathias Mpuuga Nsamba, Solomon Silwany, Esther Afoyachan ne Prossy Akampulirwa, nga agamba nti singa bwekyali Kkooti yeyandiragidde Kkalaani wa Palamenti Adolf Mwesigye kubonerezebwa.