Omwogezi wa Poliisi mu Ggwanga CP Fred Enanga avuddeyo nategeeza nga Poliisi ngeri wamu n’ebitongole by’ebyokwerinda nga bikulembeddwamu Directorate of Criminal Investigations, bwebyakutte Lt. Gen. Henry Tumukunde ku byokulya munsi olukwe. Tumukunde yagiddwa Kololo era nga enkya yaleero bongedde okwaza offiisi ye okwongera okufuna obujulizi.
Tumukunde okukwatibwa kiddiridde ebigambo byeyayogedde ku mikutu egy’enjawulo Poliisi byegamba nti bisiga obukyaayi ekiyinza okuleetawo obutabanguko mu mawanga.
Kigambibwa nti yatuuse n’okusaba amawanga agatulinaanye okumuyambako okuvuniika Gavumenti eri mu buyinza mu kalulu oba mungeri endala.
Ono wakuvunaanibwa mu buwaayiro okuli; 23 (2) b ne 23 (3) b, obwa Penal code Act, obukola ku muntu akuma omuliro mu Bantu okulumba Yuganda wamu n’okukunga Abantu okukungaana.
Enanga yebazizza abenyigidde kukwata Tumukunde olwokuvaayo mu bwangu bwatyo nasaba Bannayuganda nti kino kibeere okyokulabirako eri abalala abalina endowooza yemu nga baagala okukozesa effujjo okutabangula eggwanga eritebenkedde.
Tumukunde wakuvunaanibwa kulya mu nsi ye lukwe – Enanga
