Abasuubuzi mu Kibuga Kampala bavuddeyo nebategeeza nga bwebagenda okuggalawo bizineesi zaabwe okutandika n’olunaku olw’enkya okutuusa nga Pulezidenti Yoweri Kaguta Museveni atadde ekitiibwa mu nsonga zaabwe wamu n’okwogerako gyebali mu ngeri eyekitiibwa.
Omwogezi w’ekibiina ekigatta abasuubuzi bano ekya KACITA, Isa Ssekitto okwogera bino kidiridde Pulezidenti Museveni okusazzaamu ensisinkano gyebalina okubeera naye nga 31-July ku nsonga za EFRIS n’omusolo gwebagamba nti mungi. Abasuubuzi era bategeezezza nti sibasanyufu ne Minisita avunaanyizibwa ku nsonga za Kampala Minsa Kabanda.