Tewali alwayisa Paul Mwiru mu FDC – Salam Musumba

Amyuka omukulembeze w'ekibiina ki FDC mu bukiika kkono bwa Yuganda, Proscovia Salaam Musumba asambazze engambo ezibadde zitandise okuyitingana nti waliwo okulwanagana mu ba Memba b'ekibiina naddala mu kuwagira Paul Mwiru nga ono y'akutte bendera y'ekibiina kya FDC mu kalulu k'okujjuza ekifo ky'ombaka mu Palamenti owa Jinja ey'obuvanjuba. 

Bw'abadde ayogerako ne Bannamawulire e Jinja, Salaam Musumba agambye nti bino ebiboogerwako babasibako matu ga mbuzi kubaliisa ngo kubanga bbo balina enkolagana ennungi ne Paul Mwiru eyeesimbyewo era nti aba FDC bonna baatuuse dda mu Jinja okuwagira omuntu waabwe nga bamuwenjeza akalulu.