Omwogezi wa Uganda Police Force ow’ettunduttundu lya Savannah ASP Ssemwogerere Isah avuddeyo ku bibadde e Nakaseke; “Enkya yaleero nga 26 August 2021, Ababaka ba Palamenti okubadde owa Nakaseke Central, Hon. Allan Mayanja, Mukyala Barbie Kyagulanyi n’abalala ababadde baagala okutonera eddwaliro lya Kikamulo Health Centre III e Nakaseke.
Nga abebyokwerinda tubawabudde nti bakwatagane ne District Covid 19 task force eye Nakaseke, e Butalangu abajja okutuusa ebintu bino ku Ddwaliro.
Bano ababiri bagaanye okukwatagana naffe nebatandika okuyita abawagizi baabwe mu bungi nebayingira eddwaliro ekikontana n’ebiragiro ebyateekebwawo okulwanyisa ekirwadde kya COVID-19.
Kino kituwalirizza okukozesa amaanyi amatonotono okubagumbulula nga tukozesa omukka ogubalagala. Ebyogerwa nti waliwo abantu 2 abakubiddwa amasasi si bituufu.”
Leave a Reply
You must be logged in to post a comment.