Ababaka mu Palamenti okuva ku ludda oluwabula Gavumenti bakombye kwebaza eriibwa nti kikafuuwe tebagenda kwetaba ntuula za Palamenti ezigenda okutambuzibwa mu bitundu by’Eggwanga ebyenajawulo. Okuva nga 28 August okutuusa nga 30 entuula za Palamenti zakutandikira mu Kibuga Gulu olwo entuula endala zitwalibwe mu bitundu ebirala.
Mu lukiiko lwa Bannamawulire olwayitiddwa akulira Oludda oluwabula Gavumenti Munnakibiina kya National Unity Platform Joel Ssenyonyi ategeezezza nti entuula zino zigendereddwamu kwonoona nsimbi ya muwi wa musolo kyebatakiriziganya nakyo.
Entuula za Palamenti ezigenda okutambuzibwa mu bitundu by’Eggwanga ebyenjawulo kigambibwa nti buli lutuula lwakusaasanyizibwako obuwumbi 5, ab’oludda oluwabula Gavumenti kyebagambye nti okusinziira ku byenfuna y’Eggwanga kuba kwonoona nsimbi ya Munnayuganda.
Bya Barbara Nabukenya