Omuserikale wa Uganda Police Force, PC Ivan Wabwire eyakuba Munnansi wa Buyindi omuwozi wa ssente Uttam Bhandari amasasi agaamuttirawo bwabadde aleetebwa ku Kkooti ya Buganda Road enkya yaleero okutandika okuwerenemba n’omusango gw’obutemu.
Uganda Police mu Disitulikiti y’e Kayunga etandise okunoonyereza ku bubbi obw’emmundu obwakoleddwa mu kiro ku bbalaza kinnya na mpindi ne CPS e Kayunga.
Ayogerera Poliisi mu ttundutundu lya Ssezibwa Hellen Butoto agamba nti obubbi buno bwabaddewo ku sssaawa 3 ez’ekiro ku kitebe kya Disitulikiti y’e Kayunga kumpi n’ekitebe kya Poliisi e Kayunga.
Omu ku babiddwa Aramanzan Sabiiti n’abasuubuzi abalala 34 bagamba nti nti babadde bava mu Katale kamubuulo e Bbaale nga bali ku loole nebaggwa mu loodibulooka eyabaddeko abasajja 4 nga babagalidde emmundu era nga bali mu Yunifoomu y’eggye lya UPDF mu kitoogo ku luguudo lwa Kayunga – Bbaale ababalagidde okwebaka ku ttaka oluvannyuma nebabalagira okubawa ssente zonna zebalina ssaako n’amasimu gaabwe n’ebintu ebirala. Tonny Mabinda nga musawo ku Ddwaliro lya Bbaale Health Centre IV yeyakubiddwa mizibu oluvannyuma lwokubategeeza nti yabadde talina yadde ekikumi.
Abamu ku basuubuzi omusango bagutadde ku Poliisi nga bagamba nti yaluddewo okugenda okubataasa nga yadde bagitegeezezaako mu bwangu so nga n’obubbi webwabadde ziringa mita 400 zokka okuva ku Poliisi.
Kalungi Abubaker; omusibe yekka abadde yasigala nga avunaanibwa omusango gwokutta omusirikale wa Uganda Police Force ASP Muhammad Kirumira ne mukwano gwe Nalinnya ayimbuddwa Kkooti olunaku olwaleero ngegamba nti okunoonyereza Poliisi kweyakola kwali kwakiboggwe nga kuleetawo ebibuuzo bingi kwani yatta Abantu bano 2, era wa weyabattira nalwaki.
Omwogezi wa Uganda Police Force Fred Enanga avuddeyo nategeeza nga bwebakyalindiridde ebiragiro okuva mu woofiisi ya Ssaavawaabu wa Gavumenti okumanya Minisita ki gwebaddako okukwata kwabo abenyigira mu mivuyo gy’amabaati g’e Karamoja agaali agabawejjere.
Omumyuuka wa Sipiika wa Palamenti Thomas Tayebwa avuddeyo nasaba Rt. Hon. Nabbanja Robinah Prime Minister okuvaayo mu bwangu n’ekiwandiiko ku byokuyimiriza emikolo egitegekebwa Ababaka nga kino kikolebwa ba RDC. Kino kidiridde enkwata etali yabuntu wamu n’okutulugunyizibwa kw’omubaka Omukyala Munnakibiina kya National Unity Platform–NUP owa Disitulikiti y’e Buvuma Hon. Susan Mugabi nga kino kyakolebwa abebyokwerinda bweyali ateeseteese omukolo gwolunaku lw’abakyala. Tayebwa ategeezezza nti kati embeera gyetulimu RDC alaga nti alina obuyinza okusinga ne Ssaabaminisita, kuba omumyuuka wa Ssaabaminisiya Hon. Lukia Nakadama yali yakayimiriza ba RDC obutaddamu kulemesa Babaka ba Palamenti kukola mikolo mu bitundu byebakiikirira.
Abasirikale ba Uganda Police Force wamu n’eggye lya UPDF bayiiriddwa ku Ssetendekero e Makerere ng’abayizi bakuba akalulu okulonda Gulid President omuggya wamu n’abakulembeze abalala nga byonna bikoleddwa ku mutimbagano.