Poliisi ya Kira Road olunaku lw’eggulo yakutte abasajja babiri Elias Elibu ne Charles Emeru nga bano babadde bambadde jacket eziriko ebikofiira Ku luguudo lw’e Bukoto. Bano babadde babagalidde emmundu ekika kya SAR. Bano bakwatiddwa aduumira Poliisi eno SP. Michael Kasigire.

Bano bwebabuuziddwa bategezezza nti bakolera kitongole ekikuumi ekya ekisangibwa ku Mutesa II Road e Ntinda.

Bano okukwatibwa kyaddiridde ebifaananyi ebyabadde ku gwa Social media nga abantu bemulugunya ku basajja bano ababadde batambulira ku pikipiki nnamba UEU 497T.

Poliisi enawunyi ey’e Kajjansi ekutte emotoka ebaddeko ente 12 enzibe n’abasajja babiri wabula omu akubiddwa amasasi agamutiddewo. Bano babadde babye ente mu bitundu eby’e Nakigalala.

Moses Nsubuga ne Hassan Kashumba bebakwatiddwa n’ente enzibe erea bagiddeyo abasirikale ababadde basudde emisanvu mu kkubo amajambiya nga baagala okubatema okukkakana nga omu amanyiddwa nga Nsubuga Moses akubiddwa amasasi n’afiirawo.

Poliisi yatemezeddwako abatuuze ababategezezza nti bano babadde balabibwako mu kitundu emisana nga befuula abaguzi b’ente kumbe nga bagezaako okumanya ddi ssaawa mmeka banyini nte webebakira, ente zirya ddi n’ebirala.

Kashumba yannyonyodde Poliisi nti babadde balambula ekitundu kino okumanya webanayita okudduka wamu n’embeera y’ekitundu. Emotoka okwabadde kutambulizibwa ente nnamba UAY 633G yakwatiddwa era nga wetwogerera ente 7 zezakazuulwako bannannyini zo.

Poliisi ye Naggalama ekutte Benin Biraaro, Robinson Muheki, Simon Bwambale ne Isaaz Akankwatsa ne Airtime wa MTN nga abalirirwamu obukadde 112.5. Bano poliisi ebadde ebanoonya okumala emyezi 7.

Okunoonyereza kulaga nti bano babadde bakugu mukukuba airtime ow’ebiccupuli era nga babadde bamukubira mu Democratic Republic of Congo (DRC) nebaleeta mu Uganda nga bayita e Kihihi mu Disitulikiti ye Kanungu kilometer 30 okuva ku boarder.

Bano babadde basisinkana nabaguzi nebateesa ku ssente oluvannyuma abaguzi bwebajja okukima airtime bano nebajja nab’emmundu nebababbako ssente.

Abantu bana bagudde mu nnyanja Nalubaale nebafiiramu  nga kino kivudde ku lyato mwebabadde basaabalira okulemererwa nelibayiwa mu nnyanja bwebabadde bagenda okuziika munnabwe ku kyalo Mitala ekisangibwa okuliraana omwalo gw’e Katosi mu Disitulikiti y’e Mukono.

Abantu bano babadde bava ku mwalo gw’e Bunankanda nga boolekera ku gw’e Katosi balyoke bagende ku kyalo gyebabadde bagenda okuziika munnaabwe ku kyalo Mitala .

Kigambibwa nti abantu bano babadde 6 wabula abana beebagudde mu mazzi oluvannyuma lw’elyato kwebabadde okuzitoowererwa olw’obuzito obungi obubadde buva ku butimba obuvuba kwossa n’abantu ekyoleka nti lisussizza obuzito bweririna okwetikka.

Abafiiridde mu mazzi kuliko ebbujje ery’omwlaka ogumu ariyitibwa Brenda Nakubulwa , Justine Nakidde ow’emyaka 45 , Rose Mary Naluggwa ow’emyaka 47 ne Rogers Sodiya ow’emyaka 20 nga bonna batuuze ku kyalo Nankanda ekisangibwa mu Ggombolola y’e Ntenjeru mu Disitulikiti y’e Mukono.

Abantu bano okutegeerekeka kiddiridde ba kaawonawo babiri okuli abadde w’okmukyala ategeerekese nga Godrey Ssekanabo owa Naluggwa Rose Mary kwossa ne Musanera okutegeeza Poliisi y’e Katosi era n’esitukiramu ng’eyatega ogw’ekyayi okuggya okunnyulula emirambo.

Abasajja 2 abateeberezebwa okubba Boda boda abatuuze babaguddeko ekiyiifuyiifu nebabakuba emigoba nte egibaserengesezza ekalannamo oluvannyuma n’emirambo nebagikumako ennaali wamu n’emmotoka mwebabadde batambuliza pikipiki .

Abantu bano babadde basatu , omu mukazi  amanyiddwa nga Namande Prossy (27) era nga ye asimattuse okuttibwa , Police yeemutaasizza nga agenda kugiyambako okunoonyereza .

Bano babadde batuuze ku kyalo Lubaga mu Kampala .

Bino byonna bibadde ku kyalo Kawawa mu Ggombolola ye Lwamata mu Disitulikiti ye Kiboga .