Olunaku olwaleero Ssabakunzi wa National Unity Platform Nyanzi Fred Ssentamu lwagenda okugattibwa mu bufumbo obutukuvu nowuwe e Lubaga noluvannyuma bakusembeza abagenyi baabwe ku Freedom City. Abantu abenjawulo webali okuba nga abajulizi nga ne Pulezidenti wa NUP Kyagulanyi Ssentamu Robert aka Bobi Wine nowuwe Barbie Kyagulanyi webali.

Ssaabakunzi w’ekibiina kya National Unity Platform, Chairman Nyanzi Fred Ssentamu Mtu Wawatu akubye ebirayiro mu bufumbo obutukuvu ne munne Majorine Namukisa olwaleero mu Lutikko e Lubaga.

Ettuntu lyaleero Akakiiko akalwanyisa obuli bw’enguzi n’obukenuzi aka Anti Corruption Unit – State House Uganda nga kakolera wamu ne bambega ba Uganda Police Force batutte abantu 8 mu Kkooti e Wakiso nga kigambibwa nti bano basengula abantu ku ttaka wamu n’okwonoona ebintu byabwe.
Kigambibwa nti nta 6 April 2024, bano okuli; Nabwami Edith, Kakule David, Nathan Junju Kato, Nakimbugwe Margaret, Musisi Fredrick Kantu, Semakadde Stephen, Ndawula Arafat, Seruyange Siraji nabalala abatanakwatibwa bakozesa ekifuba nebasenda ettaka eriweza yiika 5 n’oluvannyuma nebalikutulakutulamu ku kyalo Muyomba, Busiro County, mu Disitulikiti y’e Wakiso nga lino lya Kityo Henry. Bano basindikiddwa ku alimanda okutuusa nga 8/05/2024.

Abazigu ab’emmundu balumbye bbanka ya Equity ettabi erye Soroti mu kiro ekikeesezza olwaleero n’ekigendererwa eky’okunyaga ssente. Kino kireesewo obunkenke mu kitundu ab’ebyokwerinda bwebayiiriddwa okwetoloola ekibuga Soroti okutaasa embeera. Okukakana ngomukuumi wa kkampuni eyobwannanyini akwatuddwa ku bigambibwa nti yandiba nga yabadde mu lukwe luno.

Dan Kimosho, Ssentebe w’Akakiiko ka Palamenti aka, Physical Infrastructure Committee avuddeyo nategeeza Palamenti nti singa baggalawo ekitongole ekivunaanyizibwa ku nguudo mu Ggwanga ekya Uganda National Roads Authority – UNRA, olwo ensimbi y’omuwi w’omusolo eziri eyo mu buwumbi 227 zezijja okugenda mukuliyirira ababadde abakozi b’ekitongole kino abanawummuzibwa singa Palamenti eyisa ekiteeso kyokuggalawo UNRA.
Kimosho ayongeddeko nti okusinziira ku ‘Certificate of Financial Implications’ eyasooka okufulumizibwa yalaga nti baali betaaga obuwumbi 11 okuliyirira abakozi ba UNRA singa ekitongole kiggalwawo nti wabula bakizudde nti betaaga obuwumbi obusoba mu 227 nategeeza nti ezo ziba ssente nnyingi nnyo okukozesebwa mu kuggalawo ekitongole nga n’amabanja mayitirivu okuva mu ba ‘Contractor’.