Omukulembeze wa National Unity Platform Kyagulanyi Ssentamu Robert aka Bobi Wine; “Bingi ebyali bisobola okukolebwa nga enjega y’e Kiteezi tenatuukawo. Gavumenti yali yetaaga obuwumbi 6 bwokka okukyuusa gyeyiwa kasasiro naye nebategeeza nti ssente ezo zaali teziriiwo. Naye nga ssente ezibbibwa buli wiiki zaali zisobola bulungi okukola ku kino. Kyanaku nnyo nyi twafiirwa abantu baffe.” #ffemmwemmweffe

Pulezidenti Yoweri Kaguta Museveni olunaku lw’eggulo yasisinkanye famire okuli ey’omugenzi Col. (Rtd). Charles Okello Engola Macodwogo ne Zebra Ssenyange abattibwa abasirikale ba UPDF mu butanwa nabetondera.
Engola yali Minisita omubeezi avunaanyizibwa ku nsonga z’abakozi, emirimu wamu n’amakolero so nga Ssenyange yali mukubi wa bikonde.
Pulezidenti Museveni ng’omuduumizi wa w’eggye owokuntikko yatumya famire zino zombi okuzetondera mu butongole ku lweggye lya UPDF kuba abasirikale baalya bebazza omusango guno.
Col. (Rtd). Engola yattibwa mukuumi we Wilson Sabiti, nga 2 May 2023 mu maka ge e Kyanja so nga ye Zebra Ssenyange nga yali mukunzi wa NRM yattibwa abasirikale abaali balawuna mu kiro nga 30 December 2020 mu maka ge e Bwasie.
Famire zino Pulezidenti yaziwadde obuyambi obw’ensimbi nga famire ya Engola yakulembeddwamu muganda we Sam Engola eyasiimye Pulezidenti Museveni olwokubasisinkana ono yawerekeddwako nammwandu Joyce Ayikoru, naboluganda wamu nabakulu okuba mu kika kya Otikokin.
Eya Zebra yakulembeddwamu mutabani we Isaac Ssenyange bagande be wamu ne nammwandu Mercy Mukankusi.
(D/CDF), Lt. Gen. Sam Okiding yeyakiikiridde CDF, Gen. Muhoozi Kainerugaba ku mukolo guno era ku lw’eggye lya UPDF yetondedde famire zino era nazo ezakirizza okubasonyiwa.

Tabula Luggya omuntu omukulu mubavunaanibwa okwenyigira mu ttemu lyeyali omukulu w’ekika ky’e ndiga Eng. Bbosa Kakeedo olunaku lw’eggulo yatwaliddwa mu maaso g’omulamuzi wa Kkooti ya Buganda Road Ronald Kayizzi okukola ‘Extra judicial statement’ ngeno ekolebwa omuntu abeera akirizza okuzza omusango mu maaso ga Uganda Police Force awatali kumukaka. Ono omulamuzi yasoose kumutegeeza nti akimanye buli kyagenda okwogera kyakweyambisibwa ng’obujulizi ku ye era kyatutte kumpi essaawa 5.
Luggya yategeezezza Omulamuzi nti ensonga eyaviirako Omutaka Eng. Bbosa okuttibwa nti ye ne famire ye batta Taata wa Tabula eyali amanyiddwa nga Israel mu 1989 nti era mpaawo ku bano yavunaanibwa lwakuzza musango guno ye kwekusalawo okuwoolera.
Ayongerako nti Bbosa ne famire ye bekobaana nebatunda ettaka ly’Obutaka bwa b’Endiga e Mbaale mu Mpigi oluvannyuma lwa Israel eyali Lwomwa okuttibwa ngono yeyali Taata wa Tabula amalaalo ge nabagazimbako kabuyonjo ekyabawaliriza okusenguka okudda e Namulonge.
Tabula agamba nti Bbosa yayongera okwekiika mu kubo lwe bweyagezaako okufuna ebiwandiiko ebiraga obwannanyini ku ttaka ly’e Namulonge bwatuyo Tabula nga Lwomwa omutuufu okusinziira ku ye kwekusalawo amutte afune ekitiibwa kye kyagamba nti kyamunyagibwako.
Oyo yategeezezza Omulamuzi wa Kkooti ya Buganda Road nti ku bantu 5 abakwatibwa nebavunaanibwa mu Kkooti y’Omulamuzi wa Mwanga II olwokwenyigira mukutemula Bbosa 4 ku bano tebalina musango nga Kizibwe we Noah Luggya yekka y’omu ku batemu.
Tabula agamba nti Omukyala Milly Naluwenda nga muwandiisi mu Kkooti ya Kisekwa talina musango nti wabula yakwatibwa olwokuba nti yakubira Tabula essimu okumutegeeza nti Bbosa yali atiddwa nti wabula teyaliimu mu mupango gwokutta Bbosa.
Ku buwanga e 17 obwasangibwa mu ssabo lye e Mpigi yabukuŋŋaanya kuteeereza mpewo za Kika nti wabula mpaawo muntu n’omu gweyatta. Tabula wakutwalibwa mu Kkooti ku bbalaza avunaanibwe.
Bya Christina Nabatanzi
#ffemmwemmweffe

Akulira Oludda oluwabula Gavumenti Munnakibiina kya National Unity Platform, Joel Ssenyonyi avuddeyo nanenya Palamenti olwokuvaayo nebasiiga ettoomi ye n’Ababaka abali ku ludda oluvuganya Gavumenti nti basimbira ekkuuli ekiteeso kyokutuuza Palamenti mu bitundu by’Eggwanga ebyenjawulo lwa bukyaayi ku mawaga. Ono agamba nti tebanakyuusa kirowoozo kyabwe ku ntuula zino kuba byonna byakwonoona nsimbi yamuwi wa musolo. #ffemmwemmweffe

Gavumenti esabye Palamenti ekirize kkampuni 8 wamu n’abantu ssekinoomu okusonyiyibwa omusolo oguweza ensimbi obuwumbi 13 mu obukadde 391, nga bano bakosebwa olw’ekirwadde kya COVID-19 ekyagoya ensi wamu n’okubakosa obulamu bwabwe nga abantu. Wabula kinajjukirwa nti Uganda yafiirwa obwesedde 12 mu myaka 5 egiyise nga zino zafiira mu kusonyiwa misolo. Minisita omubeezi avunaanyizibwa ku by’ensimbi Henry Musasizi afulumizza olukalala nga kuliko; Nkumba University, J2E Investment Corporation Limited, Nicontra Ltd, Kisiizi Hospital Power Ltd, Busoga University, Makerere Business Institute, abasuubuzi Peter Lokwang ne Donati Kananura ng’ensonga gyebawa nti ono alina obulwadde bwa sukaali, kkookolo wamu n’amabanja ga bbanka mangi.
#ffemmwemmweffe

Minisita Omubeezi avunaanyizibwa ku nsonga z’ebweru w’Eggwanga Henry Okello Oryem; “Abawagizi ba National Unity Platform tebekalakaasangako mu mirembe wabula bakozi ba ffujjo wano mu Uganda n’Ebweru waalyo. Tebasaanye kusiimibwa nti bekalakaasa mu mirembe.
Omubaka wa Uganda e Canada Acheng Joy Ruth tasaanye kulamulwa nga tusinziira ku butambi bwa ‘Social media’ ngalumba abawagizi ba NUP abaali ku nguudo wabula tutunuulire emirimu gyakoze ngali mu offiisi.”
#ffemmwemmweffe