Pulezidenti Yoweri Kaguta Museveni avuddeyo nawandiikira Rt. Hon. Nabbanja Robinah Prime Minister namulagira okulaba nti Ababaka okuli; Hon. Muwanga Kivumbi owa Butambala County ne Hon. Luttamaguzi Ssemakula owa Nakaseke South bakwatibwa singa bagenda mu maaso nokwogerera enkola ya Parish Development Model ebikikinike ku mayengo g’ebyempuliziganya. Bano banokoddwayo mu alipoota nga abamu ku balwanyisa enkola eno.

Pulezidenti asabye Hon. Galabuzi ne Hon. Magyezi, ba RDC wamu n’Abakulembeze abalala okuvaayo okwanukula obulimba bw’Ababaka bano n’amazima. Naye singa Ababaka bano bakuma omuliro mu Bantu okutwala ssente zino naye bagaane okuzisasula olwo bakwatibwe bavunaanibwe kuba Luzira tanajjula.