nup – Radio Simba – Ffe Mmwe Mmwe Ffe

Maama wa Ibrahim Wandera, omu ku bawagizi b’Omukulembeze wa National Unity Platform Kyagulanyi Ssentamu Robert aka Bobi Wine abakwatibwa yayozezza ku munnye bweyabadde asaba Gavumenti okuyimbula mutabani we.
Wandera y’omu ku bawagizi ba NUP 32 abali mu kkomera nga bavunaanibwa omusango gwokusangibwa ne bbomu 13 ngabavunaanibwa mu Kkooti y’amaggye e Makindye.
Bano bakwatibwa mu December 2020, wabula 4 ku banne ba Wandera bayimbulwa ku kakalu ka Kkooti mu April 2023 oluvannyuma Gavumenti nebaggulako emisango emirala egyokulya mu Nsi yaabwe olukwe.
Bwebasigalayo 28 bagezezaako okusaba okweyimirirwa wabula nebagaanibwa nga Gavumenti egamba nti abantu bebaleese okubeyimirira tebalina bisaanyizo. Oludda oluwaabi lugamba nti wakati wa November 2020 ne May 12, 2021, mu bitundu ebyenjawulo nga; Jinja, Mbale, Kireka, Nakulabye, Kawempe, Nateete ne Kampala Central, abavunaanibwa basangibwa ne bbomu enkolerere 13 nga bino birina kubeera nababyakwerinda.
Wandera yali muvuzi wa sipensulo mu kaseera webamukwatira mu Kibuga Mbale gyeyali akolera.

Omubeezi wa Minisita avunaanyizibwa ku nsonga z’omunda mu Ggwanga Gen. David Muhoozi, avuddeyo neyebuuza lwaki Omukulembeze wa National Unity Platform Robert Kyagulanyi Ssentamu aka Bobi Wine bwaba nga teyalina kigendererwa ky’amaanyi yavaayo nalangirira nnyo okudda kwe mu Ggwanga era natuuka n’okukunga abantu so nga tewaali kyamaanyi mu lugendo lwe!

Ono akakasizza Eggwanga nti Gavumenti yakugenda mu maaso n’okulwanirira eddembe lya Bannayuganda nga bwebadde ekola wamu n’obukulembeze obugoberera amateeka okusobozesa buli Munnayuganda okweyagalira mu Ggwanga nga tewali kutiisibwatiisibwa kwonna.

Omubaka wa Kawempe North Munnakibiina kya National Unity Platform – NUP Muhammad Ssegiriinya aka Mr Updates olunaku olwaleero batabaganye ne Alex Waiswa Mufumbiro. Ssegiriinya yeebazizza nnyo Pulezidenti w’ekibiina Robert Kyagulanyi Ssentamu aka Bobi Wine wamu ne Ssaabawandiisi David Lewis Rubongoya olwokubataganya.

Omwogezi wa Uganda Police Force CP Fred Enanga avuddeyo nategeeza nti Bannakibiina kya National Unity Platform abakwatibwa 59 nga bagenda okwaniriza Pulezidenti w’Ekibiina Robert Kyagulanyi Ssentamu aka Bobi Wine bwebasimbiddwa edda mu Kkooti nebavunaanibwa.

Ab’ebyokwerinda okuli; Military, UPDF wamu ne Uganda Police Force bakedde kusalako kitebe kya National Unity Platform e Kamwokya. Aba NUP babadde balangiridde nga bwebatagenda kujaguza lunaku lwamefuga wabula nga bategese okusabira emyoyo gyabawagizi ba NUP abazze battibwa wamu nabo abazze babuzibwawo.

Akulira oludda oluwabula Gavumenti Hon. Mathias Mpuuga Nsamba avuddeyo nategeeza neyewuunya embeera essomero lya Luweero Boys Primary School, gyeririmu. Agamba nti essomero lirimu abayizi abasoba mu 1000 naye teririna bikozesebwa mu kusoma nga abayizi abamu batuula ku buddeeya mu kibiina.

Omubaka wa Kawempe North Munnakibiina kya National Unity Platform – NUP Hon. Muhammad Ssegiriinya aka Mr Updates avuddeyo nategeeza nga bwagulidde abayizi ku Islamic University in Uganda ente ngabasiima olwokulonda Munnakibiina kya NUP ku bwa Guild President.

Pulezidenti wa National Unity Platform Kyagulanyi Ssentamu Robert aka Bobi Wine avuddeyo nategeeza nga akulira ebigenda ku mutimbagano mu Kibiina kya NUP Swaburah Ow’omukisa bweyawambiddwa abasajja ababadde babagalidde emigemerawala olunaku lw’eggulo mu ttuntu okuliraana amaka ge nga negyebuli eno tanamanyikako mayitire.

Pulezidenti wa National Unity Platform – NUP, Robert Kyagulanyi Ssentamu aka Bobi Wine ategeezezza nti buli mujiji gusaanye okuzuula omulamwa gwagwo era bafube nnyo okulaba nti baguteeka mu nkola.
Okwogera bino Kyagulanyi abadde ku kitebe ky’ekibiina e Makerere, Kavule mu lukuŋŋaana lw’Abavubuka okuva mu bitundu eby’enjawulo.

On Air

Emboozi Kafunda Live