Embeera ekisaawe kya Mandela National Stadium (Namboole) ekiri mukudaabizibwa oluvannyuma lwa Minisitule y’Ebyensimbi okufulumya obuwumbi 17 mu obukadde 700 obwali busigaddeyo okusobozesa ekitongole kya UPDF ekizimbi okumaliriza emirimu. Ekisaawe kino kisuubirwa okuzanyirwamu emipiira egimu egya AFCON 2027 Uganda mwesuubirwa okutegekera ekikopo kino wamu ne Kenya kwossa Tanzania.

Wabaddewo okusika omuguwa mukuziika omulwanirizi w’eddembe Munnakibiina kya Forum for Democratic Change Sarah Eperu olunaku lweggulo e Koloin, mu Disitulikiti y’e Ngora wakati w’ekiwayi kya FDC ekye Najjanankumbi ne kye Katonga. Kino kyadiridde abantu okwekutulamu ku ani aba asooka okwogera nga abatuuze bagamba nti owmana womu kitundu Patrick Oboi Amuriat yalina okusooka okwogera oli ayite omugenyi Kizza Besigye. Kino kyawalirizza Rev. Fr. John Eriau okuyimiriza okwogera kwonna okuva mu bakungu nagenda mu maaso n’omukolo gwokuziika.

Sipiika wa Palamenti Anitah Among olunaku olwaleero akedde kulambula mirimu gyokudaabiriza ekisaawe kya Mandela National Stadium oluvannyuma lw’ekibiina ekitwala omupiira ogw’ebigere ekya Confederation of African Football (CAF) okugaana okuyisa emirimu egyakoleddwa ku kisaawe kino egyawemense obuwumbi 80 nga omulimu gwakoleddwa ekitongole ky’Eggye lya UPDF ekizimbi ekya UPDF Engineering Brigade. Emirimu egibulayo kwekuli okuteekayo kkamera enkettabikolwa, n’okulamba ebifo awasimbibwa emotoka, emirimu egyamaliriziddwa kuliko; okuteekamu obutebe, kabuyonjo z’abasajja 45 nebifo webafuuyisa,ne kabuyonjo z’abakyala 90.

Sipiika wa Palementi Anitah Annet Among alagidde Minisita Omubeezi ow’ebyemizannyo Peter Ogwang MP okuwaayo ensaasaanya y’ensimbi obuwumbi 97 obwakozeseddwa okuddaabiriza ekisaawe kya Mandela National Stadium – Namboole oluvannyuma lwa alipoota eyakoleddwa ekibiina ekitwala omupiira ogw’ebigere ku lukalu lwa Africa ekya Confederation of African Football – CAF oluvannyuma lwokukirambula nekitegeeza nti omulimu ogwakoleddwa ekitongole ky’eggye lya UPDF ekizimbi teguli ku mutindo ogusuubirwa.

Sipiika wa Palamenti Anitah Annet Among olunaku olwaleero alemesezza Omubaka wa Lwemiyaga County Theodore Ssekikubo okuleeta ekiteeso ku buli bw’enguzi obwateekebwa ku mutimbagano mu mwoleso ogwakolebwa ku Social Media ogwatuumibwa #UgandaParliamentExhibition, nategeeza nti abadde ayagala kuwa Babaka budde bumala kukwata ku nsonga ezamakulu ennyo. Ono ategeezezza nti ekimukeeza okuva ewuwe okujja mu Palamenti kuba kukubaganya birowooza ku nsonga enkulu ennyo mu Ggwanga.

Ekitongole ekivunaanyizibwa ku butonde bw’ensi mu Ggwanga ekya National Environment Management Authority (NEMA) Uganda kiboye emotoka, loole wamu tulakita ezikozesebwa okusima n’okusomba omusenyu okuva mu nnyanja Nalubaale mu Lwera. Ebirombe byonna bigaddwa. Maj. Joshua Karamagi akulembeddemu ekikwekweto akakasizza nti ekikwekweto kino kigenda kukolebwa mu birombe byonna 4 ebisangibwamu Lwera.

Omubaka Mathias Mpuuga Nsamba; “Ndi mmemba wa Commission. Commission yemu eyawa Ababaka ba Palamenti ssente z’emotoka. Balekulira? Ompita otya omubbi? Ssemateeka wa National Unity Platform mumanyi bulungi. Manyi obuyinza bwa Pulezidenti webukoma. Alina obuyinza ku bintu ebimu, wabula okuyimiriza omumyuuka we si kyekimu ku byo.
Ku nkomerero ya byonna tutendekebwa era tuli banjawulo. Terujja kukeera lumu lumu mbeere Kyagulanyi era Kyagulanyi tajja kukeera nkya abeera Mathias Mpuuga. Tuli banjawulo era byetukola bikwatagana naye si kuvuganya.”

Ibrahim Musana aka Pressure 247 eyateekayo obutambi ngavvoola Ssaabasajja Kabaka Ronald Muwenda Mutebi II wamu n’abakungu ba Gavumenti ab’enjawulo nga kwotadde Pulezidenti Yoweri Kaguta Museveni agaaniddwa okweyimirirwa nazzibwayo mu kkomero e Luzira okutuusa nga 29/April/2024. Uganda Police Force egamba nti ekyakola okunoonyereza kwayo.