Pulezidenti wa Democratic Party Uganda Norbert Mao avuddeyo nategeeza ng’ekibiina kye bwekisinga ebibiina byonna mu Uganda mu nsonga ya demokulasiya. Ono ategeezezza nga amasiga gonna mu kibiina kino bwegakola obulungi nti era enjawukana eziriwo tezitegeeza nti emirimu tegitambula. Mao alumirizza abamawulire nti bakoze kinene nnyo mukutabangula DP era nabategeeza nti baswadde nnyo. Ono ategeezezza nti omumyuuka we bweyamuwandiikira ku byendagaano abamawulire batambuza olugambo nebitali bituufu mwebabiwandiikira. Agambye nti wabula byonna Bannamawulire byebaali bawaliirira byagwa butaka, era DP ekyaliwo nnyo.
#ffemmwemmweffe

Abasirikale okuli aba Uganda Police Force ne UPDF bakedde kusalako kitebe kya National Unity Platform e Makerere Kavule ngekibiina kibadde mu nteekanteeka yokutongoza kkampeyini y’Abavubuka eyatuumiddwa ‘Youth Protest Vote’. Mu kiwandiiko ekifulumiziddwa Poliisi ku Ssande ekiro, Poliisi yasazizzaamu omukolo guno.
Ssaabawandiisi wa NUP David Lewis Rubongoya ategeezezza nti kino Poliisi kyekoze kyabuswazu Bannakibiina kya National Resistance Movement – NRM bbo balekeddwa okukola emirimu gy’ekibiina nga tewali abakuba ku mukono okuli n’okutambula ku nguudo nga Poliisi ebakuuma.
#ffemmwemmweffe

Akakiiko akalwanyisa obukenuzi okuva mu maka g’Omukulembeze w’Eggwanga aka nga kali wamu n’ekitongole kya Uganda Police Force ekyabambega ettuntu lyaleero batutte Ag. Commissioner Mapping and Surveys okuva mu Minisitule y’Ebyettaka, Kakooza Jasper n’abantu abalala 9 mu Kkooti evunaana abali b’enguzi n’abakenuzi ku bigambibwa nti bakozesa olukujjukujju nebakola ebyapa ku kyapa ekikadde ekya Madhvani Group Ltd FRV 60 folio 4, ngettaka lino lisangibwa mu Disitulikiti y’e Gomba.
Bano kuliko;
1. Kakooza Jasper – Ag Comm.Mapping and Surveys.
2.Bassajjangabo Hakim – Senior Assistant Secretary e Kabulasooke, Gomba.
3.Siwuliliza Andrew Sserunkuma – Chairman LC1 ow’e Kyalo Mpogo village.
4. Nakanwagi Gladys- Former secretary Gomba District Land Board.
5.Hajju Kayongo Badru Ismail – Former Chairperson, Gomba District Land Board .
6. Nuwahereza Allan Katakanya-Business Man
7.Mudenyi Gerald- Security Guard
8. Nabimanya David-Security Guard
9. Ssenoga Abdu- Casual labourer ne
10. Kisenyi Harunah – Boda boda rider
Bano n’abalala abakyanoonyezebwa bavunaaniddwa emisango okuli; okukozesa obubi offiisi, okujingirira ebiwandiiko, okufuna ekyapa mu lukujjukujju, okusalimbira mu ttaka eritali lyabwe, okwonoona ebirime wamu n’okwekobaana okuzza omusango.
Basindikiddwa ku alimanda okutuusa nga 30 April 2025. Kigambibwa nti bano nga bakolagana ne Commissioner wamu n’abalala abatanakwatibwa bekobaana nebakola ebyapa ebippya ku kyapa ekiriwo ekikadde nga kiri mu mannya ga Madhvani Group ekyafulumizibwa mu 1955 nga befudde aberula ensalo nebatwaliramu yiika endala 600 eziri ku FRV 60 folio 4 ku kyalo Musongole, mu Gombolola y’e Mpenja, mu Disitulikiti ly’e Gomba. Bano bezza ettaka lino nebagattako okwonoona essamba y’emmwaanyi wamu n’ekibira ebyali biweza yiika 540.
Kkooti eyisizza ebiwandiiko bakuntumye okukwata Deputy RDC Gomba, Sitenda Nicodemus Mugalu, physical planner, Mugenyi Vicent n’omusuubuzi Fred Kirenga.
#ffemmwemmweffe

Katikkiro Charles Peter Mayiga; “Nkedde ku Ekelezia e Lubaga okutuusa obubaka bwa Ssaabasajja Kabaka Ronald Muwenda Mutebi II obw’okukubagiza Abakristo mu Uganda n’Ensi yonna olw’okufiirwa Paapa Francis.
Paapa Francis ebbanga lyonna atuggyiddeyo amakulu agali mu kwagala muntu munno ne Katonda wo era tujja kumujjukira ebbanga lyonna.”
#ffemmwemmweffe