Abakulembeze ku ludda oluwabula Gavumenti bagamba bagenda kusisinkana abalonzi mu bitundu okuli ekya Makindye West ne Kawempe North ebikiikirirwa ababaka Bannakibiina kya National Unity Platform – NUP Allan Ssewanyana ne Ssegiriinya Muhammad abamaze ebbanga erisoba mwaka omulamba mu kkomera okusala amagezi ku ngeri yokubanunulamu.

Omulamuzi wa Kkooti esookerwako e Kanungu alagidde Maneja wa Leediyo ya Minisita Dr. Chris Baryomunsi eya Kanungu FM, Nelson Kagote Twinamatsiko okugawa engasi ya mitwalo 20 oba okusibwa emyezi 8 oluvannyuma lwokukiriza omusango gwokukuba nalumya mukozi munne Anita Tumuramye oluvannyuma lwokufuna obutakaanya ku nsimbi zeyali alina okumuwa oluvannyuma lwokuleeta bizineesi.

Ekitongole ekivunaanyizibwa ku by’eddagala mu Ggwanga ekya Uganda National Drug Authority kivuddeyo nekyanukula omusumba w’Abalokole Robert Kayanja; “Tubadde ebbanga lyonna tuwagira Bannansi abakola eddagala era nga ebika by’eddagala erinnansi ebisoba mu 200 byakirizibwa. Tutusobola kulwana muntu yenna; y’ensonga lwaki ttiimu yaffe ebadde eyogerezeganya naawe mu ebbanga erisoba mu naku 30! Ekintu kyonna ekiteeka obulamu bwa Bannayuganda wamu n’ebisolo mu katyabaga tulina okuvaayo kuba mulimu gwaffe.”