Pulezidenti wa Democratic Party Uganda era Minisita avunaanyizibwa ku nsonga za Ssemateeka n’esiga eddamuzi Norbert Mao avuddeyo neyesoma okwanika Bannabyabufuzi ku ludda oluvuganya Gavumenti bagamba nti bakukuta ne Gavumenti mu kiro mbu nga bambala ‘Hijab’ nebagenda mu State House kyokka emisana nebavaayo nebakolokota Gavumenti wamu n’okuboogerera ebisongovu bbo abaavaayo emisana ttuku nebasalawo okukola ne Gavumenti.

Hon. Ibrahim Ssemujju Nganda; “Tosobola kulumba mukutu gwamawulire lwa muntu omu atumbula ebisiyaga. Singa kyali bwekityo, twaligadde ekibiina kya National Resistance Movement – NRM oluvannyuma lwabamu okubba amabaati.”

Omubaka Sarah Opendi “Mu mbeera ngomuntu aleetedde omwana okwenyigira mu bisiyaga, okumusiba amayisa tekimala kuba asobola okugenda mu kkomera nasigala ngabikola. Nze nteesa akawayiro kakyuusibwemu kibeere nti alaayibwa.”

Hon. Charles Onen akiikirira Gulu East; “Rt. Hon. Speaker, Bwentunuulira Ababaka abakyala abali wano mu Palamenti, siraba nsonga ereetera musajja kwagala musajja munne kwegatta. Teriiyo kintu kirungi yadde kisinga kuwoomera musajja nga mukyala.”