Omubeezi wa Minisita avunaanyizibwa ku nsonga z’e Karamoja Agnes Nandutu aleeteddwa ku Kkooti evunaana abakenuzi n’abali b’enguzi enkya yaleero okusomerwa emisango egyamuguddwako egyekuusa ku mabaati g’e Karamoja.

Wabula ono okwawukanako ku banne azze musanyufu era teyekwese Bannamawulire alabiddwako ngabawubira nako.

Amabaati Minisita w’ebyensimbi Matia Kasaija geyazizzaayo ku sitoowa za Offiisi ya Ssaabaminisita e Namanve kigambibwa nti kwabadde kubulako 2. David Kayonga nga ono Senior Assistant Secretary for Finance and Administration mu offiisi ya Ssaabaminisita yateekebwa ku Sitoowa e Namanve okulondoola okulaba amabaati agakomezebwawo agamba nti Kasaija yakomezzaawo amabaati 298 mu kufo kya 300 wabula yasuubizza okuleeta agubulako.

Abalala abakakomyaawo amabaati kuliuko Sipiika Anita Among 500, Omubeezi wa Minisita avunaanyizibwa kukuteekerateekera Eggwanga Amos Lugoloobi 600, wamu n’Omubeezi wa Minisita avunaanyizibwa ku byokwerinda Jacob Oboth Oboth 300.

Omubeezi wa Minisita avunaanyizibwa ku nsonga z’e Karamoja Agnes Nandutu yewaddeyo mu mikono gya bambega ba Uganda Police Force aboonyereza ku nsonga z’amabaati g’e Karamoja.

Wetwogerera mu kaseera kano ali ku kitebe kyabambega e Kibuli akunyizibwa.

Minisita avunaanyizibwa ku nsonga z’e Karamoja Dr. Mary Gorretti Kitutu Kimono wamu ne Mulamu we Nagoya Micheal Kitutu bayimbuddwa ku kakalu ka Kkooti.

Minisita Kitutu alagiddwa okusasula obukadde 10 obwobuliwo ate abamweyimiridde bbo obukadde 200 obutali bwabuliwo.

Ye Nagoya alagiddwa okusasula obukadde 3 ezobuliwo abamweyimiridde obukadde 100 buli omu.

Bano bakudda mu Kkooti nga 27-April-2023.