Eddy Kenzo; “Wabula abafere muli bazibu Abatuyita ba beggars, bafulumila mu government budget every year, ate bafuna noomusaala monthly ela tebazigaanangako. Lwaki temuzigabila amalwaliro oba amasomero.
Enyindo bwojinyigiriza enyo!!
Banange mutuleke tulwanirire omulimu gwafe other wise tugenda yingira mu Politics’s wamwe direct.
Mutuleke tutereze music omulimu mwagwonoona because mwaguyingizaamu eby’obufuzi fenna tunalya ku Politics?
Mwe emisaala mujifuna mu government yeemu gyemuwoza nti mulwanyisa.
We are fighting for copyright and all rights for musicians ate mwe muwoza beggars, beggars how?
Enough is enough.”
Abaffe obubaka bwa Bobi Wine eri bannabitone abalala bwabadde bunyiiza oba bwabadde buzibu kutegeera? Abaffe ttiimu y’abayimbi eri mu Federation ne Bobi Wine balwanirira kintu kyekimu tteeka lya copy right oba bali basindika kkuggyawo mulala?!
Etteeka lino bweriggwa neriyisibwa nadisuubidde nti liyamba bonna.
Hon. Kiyaga Hilary aka Dr Hilderman eyakulemberamu etteeka lino waali era yasindikibwa okulondoola enongosereza mu bbago lya copy right, mu kaseera kano twandisuubidde nti abayimbi bali badde bakubaganya birowoozo ku kiki ekirina okwongerwa mu tteeka lino okusinga okuneneŋŋana!

Pulezidenti wa National Unity Platform Kyagulanyi Ssentamu Robert aka Bobi Wine avuddeyo nategeeza nga akulira ebigenda ku mutimbagano mu Kibiina kya NUP Swaburah Ow’omukisa bweyawambiddwa abasajja ababadde babagalidde emigemerawala olunaku lw’eggulo mu ttuntu okuliraana amaka ge nga negyebuli eno tanamanyikako mayitire.

Ssentebe w’Akakiiko akalera eddembe ly’obuntu aka Uganda Human Rights Commission Wangadya Mariam avuddeyo nategeeza bga bwagenda okugoba okwemulugunya kwa Pulezidenti wa National Unity Platform Robert Kyagulangyi Ssentamu aka Bobi Wine.

Kyagulanyi abadde alina okulabikako mu Kakiiko kano olunaku olwaleero wabula talabiseeko okuwa obujulizi ku musango gweyatwalayo ngawakanya ekya Poliisi okuyimiriza ebivvulu bye.

Kyagulanyi asindise Bannamateeka be George Musisi ne Benjamin Katana okutegeeza Akakiiko nga bwabaddeko emirimu gy’ekibiina emitongole gyalina okutuukiriza nga gyali gyategekebwa dda ngera yasuubiza okubeerawo.

Kino kiwaliriza Wangadya okuwa Kyagulanyi omukisa okusembayo nayongezaayo okuwulira oludda lwe wabula nategeeza nti singa talabikeko, okwemulugunya wakukugoba.

Wabula Wangadya tawadde ddi lwebanaddamu kumuyita okutuusa nga Akakiiko kafunye akadde.

Pulezidenti wa National Unity Platform – NUP, Robert Kyagulanyi Ssentamu aka Bobi Wine ategeezezza nti buli mujiji gusaanye okuzuula omulamwa gwagwo era bafube nnyo okulaba nti baguteeka mu nkola.
Okwogera bino Kyagulanyi abadde ku kitebe ky’ekibiina e Makerere, Kavule mu lukuŋŋaana lw’Abavubuka okuva mu bitundu eby’enjawulo.

Abawagizi b’ekibiina kya National Unity Platform 28 abatanayimbulwa olunaku lw’eggulo bavudde mu mbeera mu Kkooti y’Amaggye oluvannyuma lwa Kkooti okubaggulako omusango omulala ogw’okulya mu nsi yaabwe olukwe, bano Kkooti yalagidde baddizibweyo ku alimanda wabula nga teraze ddi lwebagenda kutandika kuwozesebwa.

Omubaka wa Kyaddondo East Robert Kyagulanyi Ssentamu aka Bobi Wine; “Luno olutalo lw’okwenunula lwetulimu si lwange nzekka, era kiba kyabwewussa oli okuvaayo nagamba nti lulwe yekka. Ekisinga obukulu, nzikiriza nti amaanyi gaffe gali mukukwatira wamu ffenna atwali kwekutulamu. Tuli b’amaanyi nnyo nga tukwatidde wamu era tebasobola kutuwangula.”