Kkooti y’Ebyenfuna enkya yaleero esazeewo eggoye wakati wa Dr. Sudhir Ruparelia wamu ne Bannamateeka ba Ssebalu and Lule Advocates nga bawereddwa okukiikirira Bbanka ya DFCU mu musango gwonna gwerina ne Sudhir.
Omulamuzi Festo Nsenga ku lw’omulamuzi Paul Gadenya yawadde ensala eno nga agamba nti aba Ssebalu and Lule Advocates olwokuba nti bali babaddeko Bannamateeka ba Sudhir, balina bingi byebamanyi. Omulamuzi era alagidde Bannamateeka bano okusasula Sudhir ensimbi zonna zakozesezza mu musango guno.