Martin Ssejjamba, Ssentebe wa Disitulikiti y’e Mpigi, Kirumira Fredrick nga ye Ssentebe w’akakiiko akagaba emirimu ku Disitulikiti e Mpigi ne Nakamoga Sarah baleeteddwa ku Kkooti e Mpigi okuwulira okusaba kwabwe okwokweyimirirwa wakati mu bukuumi obwamaanyi.
Omulamuzi Acaa Ketty Joan olwaleero lwasuubirwa okuwa ensala ye ku kusaba kwabwe okw’okweyimirirwa ku kakalu ka kkooti ku misango egibavunaanibwa. Bano bavunaanibwa omusango gwokuggya ku bantu ensimbi abaali betaaga emirimu gya Disitulikiti.