Ssaabawandiisi wa National Unity Platform – NUP, David Lewis Rubongoya ayanukudde ababadde batandise okwogerera NUP ebisongovu nti yasuubiza ekizimbe bwaguuga kyokka nezimba akazimbe akatono okukamala.
Ono agambye nti tebaasobodde kuzimba Kitebe kinene nga kyebaalowooza olw’ebbula ly’ensimbi.
Okusinziira ku Rubongoya, abakugu baabategeeza nti ekizimbe kyebaali baagala kimalawo obuwumbi bwa ssente obusukka mu buna ate nga tebazirina.
Ono agamba wano webaasalirawo bagule ebizimbe ebiri mu ttaka n’ebiriranyeewo era nti ssente zebaakozesezza teziweza wadde ebutundutundu 10 obwa ssente zebaalina okukozesa ku kizimbe ekyasooka.