Ssenkulu wa URA akyaddeko embuga

Ssenkulu wa URA, Omuk. John Musinguzi n’abamu ku baakola nabo batukyaliddeko olwaleero Twogedde ku nsonga ez’enjawulo era batutegeezeza nti eby’okuggya omusolo ku luwalo si nteekateeka yaabwe n’akatono, era nabo baleese oluwalo. Tubeebaza olw’okukolagana n’Obwakabaka era tubasabye okwongera okuteekawo emisomo eri abantu okumanya emigaso gy’okuwa emisolo, naffe tujja kubakwasizaako.