ssemaka yetugidde mu sitoowa yawaka lwamabanja

George William Ssebuggwawo nga abadde ayokya weredingi mu kabuga k’omu Nnyendo e Masaka yetugidde mu sitoowa ye nga kigambibwa nti amabanja gabadde gamuyinze.

Abawaka okuli Nabuuma nga ono ye Mukyala muto agamba nti Ssebuggwawo yabula ku lwakusatu nalekawo essimu ye. Bano bamaze n’omulabo mu sitoowa enaku ssatu nga tebamanyi.

Nabuuma agamba nti ekiro mu ttumbi yalumiddwa ebisa n’ayambibwako baliraanwa okumuzaalisa omwana ow’okubiri mu Ssebuggwawo. Wabula bwe bukedde, omukozi n’aggulawo Sitoowa okuggyayo enkumbi amaaso gaggukidde ku mulambo gwa nnyinimu.

Oluvannyuma abadduukirize bayise poliisi ne babbomola ekituli mu sitoowa mwe bayisizza omulambo ne gutwalibwa okwekebejjebwa abasawo. Mukyala mukulu Jane Namirembe azze n’abaana babiri bamulekedde.