Ssemaka owa 50 asse mukyala we lwa kumumma kaboozi

Ekikangabwa kibuutikidde abatuuze ku kyalo Konde  – Naluwondwa mu Gombolola ye Madudu e Mubende , Ssemaka owemyaka 50 bwakkakkanye ku mukyala we gwalinamu abaana 8 n’amukuba emiggo egimututte e kalannamo lwakumumma mukwano .

Byamukama Faustine myaka 50 yakkidde mukaziwe Mukamulingo Mangadalena ag’alina emyaka 45 naamukuba emiggo egimumizizza omusu mu kiro ekikeesezza leero nga okusinziira ku muwala waabwe omukulu Uwizera Annet ategeezezza nga bwebabadde beebase kwekuwulira nga maama waabwe akaaba bwebazuukuse kwekusanga kitaabwe nga akuba nnyabwe emiggo kyokka nga beebase tewali buzibu bwonna , bbo kwekukuba enduulu abatuuze nebadduukirira basanze maama waabwe amaze okufa .

Ssentebe w’ekyalo kino  Ssaalongo Kyamanywa John ategeezezza nga bwebakutte musajja mukulu ono nebamukwasa Police ye Kaweeri .

Abatuuze mu kitundu kino bavumiridde nnyo ekikolwa ekikoleddwa nakukadde ono kyebagambye nti kivudde ku butakkaanya mu maka nga kyandibanga bwavudde ku mukwano kuba abafumbo bano babadde bakolagana .

0 replies

Leave a Reply

Want to join the discussion?
Feel free to contribute!

Leave a Reply