Ssemaka yeewadde obutwa n’akkirira ezzirakumwa oluvannyuma lw’okuganza kawala ke ak’emyaka 16 n’akafunyisa olubuto wamu n’okukasiiga obulwadde bw’ekiryatabaala .
Lubowa Isma nga abadde atemera mu gy’obukulu 43 omutuuze ku kyalo Mbikko ekisangibwna mu Munisipaali y’e Njeru mu Disitulikiti y’e Buyikwe, okwewa obutwa kiddiridde muwala we okutemya ku nnyina wamu n’abatuuze nga kitaawe bweyamufunyisizza olubuto era bino olugudde mu matu ga bano, ssemaka n’atya okutwalibwa mu mbuzi ekogga era n’asalawo yeewe emmimbiri.
Bo abatuuzze balumiriza ssemaka ono kati omugenzi okuba nga kawala ke abadde yakafuula mukazi we era wetukoledde eggulire lino nga omulambo gwa ssemaka gutwaliddwa mu ggwanika ly’eddwaliro ekkulu e Jinja okwongera okwekebejjebwa.