Omubaka akiikirira Lwemiyaga Theodore Ssekikubo agugumbudde akakiiko ka NRM a k’ebyokulonda lwakuggalirayo kusaba kwe okuvuganya ku kifo ky’obumyuka bwomukubiriza wa Palamenti eyekkumi.
Okusinziira ku nteekateeka za NRM ku kusunsulamu abanaavuganya ku kifo kino, abo bokka ababaka abaakakasibwa akakiiko ke byokulonda nti baawangula ekiteeka Ssekikubo mu katu kubanga abadde agenderera okuvuganya mu kamyufu ka NRM ku ani anaamyuka Omukubiriza wa Palamenti ya Yuganda.
Ssekikubo agamba nti akakiiko k’ebyokulonda kakikola kigenderere okulwisaawo okumussa mu kitabo ekitongole omugenda ababaka bonna abalondeddwa okutaataaganya ebigendererwa bye okufuuka omumyuka wa Sipiika so nga ate ababaka abalala abasoba mu 80 obuwanguzi bwabwe bukyemulugunyizibwako naye amannya gaabwe gaagenda dda mu kitabo ekitongole .
Mukwongerako Ssekikubo alayira nti emivuyo gyonna gikolebwe naye ateekwa okuvuganya ku kifo kino nga 05 omwezi gwokutaano .