Omulamuzi wa Kkooti ya Buganda Road enkya ayisizza ekiwandiiko ekiragiro ekiragira ekitongole kyamakomera ekya Uganda Prisons Service -UPS okuleeta Omubaka Munnakibiina kya National Unity Platform Muhammad Ssegiriinya aka Mr. Updates mu Kkooti mu bwangu avunaanibwe emisango gyokukuma mu bantu omuliro ngayita ku mukutu gwe ogwa Facebook.
Ssegiriinya mu kaseera kano ali mu kkomera e Kigo gyeyasindikibwa ku alimanda yataagibwa mu Kkooti olunaku lw’enkya okwewozaako so nga mu Kkooti yemu akyalinamu emisango egyekuusa kukuma omuliro mu bantu mu Kampala.