Ssaabawaabi wa Gavumenti alagidde Police eyongere okukungaanya obujulizi obumala okuluma Omupoliisi Siraje Bakaleke eyali omuduumizi wa Police ma maserengeta ga Kampala ne Puliida woomu Kampala, Paul Wanyoto.
Ababiri bano ne b’Ofiisa ba Police abalala bana bavunaanibwa og’okukwata bannansi b’eggwanga lya Korea – Park Seunghoon ne Jang Shingu Un mu bukyamu , okubanyakulako ensimbi eziri mu kawumbi kalamba n’obukadde bina wamu n’okugezaako okubazzaaayo mu ggwanga lyabwe mu bukyamu
Aba Korea bano baakwatibwa mu mwezi gwa Mukutukansanja omwaka guno bwebaali balindirira okwetaba mu lukiiko olwali lutegekeddwa Wanyoto . Police yasindika Fayilo y’abano eri ssaabawaabi wa Gavumenti agiyitemu olwo abavunaanibwa balyoke balyoke basimbibwe mu maaso ga kkooti.