Ssaabasajja Kabaka yasiimye naggulawo empaka z’omupiira ez’ebika by’Abaganda

Ssaabasajja Kabaka yasiimye naggulawo empaka z’omupiira ez’ebika by’Abaganda ku ssomero lya St. Joseph Of Nazareth e Kavule Katende. Ekika ky’Omutima n’omusu bebagguddewo mu mupiira ogwanyumidde nnamungi w’omuntu eyazze okubugiriza Omutanda.

Eddakiika 90 zagenze okuggwako nga balemaganye 1-1.
Mu kakodyo k’okusimula peneti, Omutima gwakubye 9 ate Omusu 10.
Obuwanguzi buno bwayongeddeyo Omusu ku mutendera oguddako ate ggwo Omutima gwawanduse.

Omupiira gwetabiddwako; Abataka Abakulu b’obusolya, omumyuka wa Katikkiro asooka era Minisita w’eby’emirimu ne tekinologiya Owek Prof. Twaha Kigongo Kaawaase, omukubiriza w’olukiiko lwa Buganda Patrick Luwagga Mugumbule, Baminisita ba Kabaka, Abagenyi ab’enjawulo okuva mu Gavumenti ya Kabaka, Gavumenti eya wakati, Bannabyabufuzi, n’abakungu abawerako.

Zeen is a next generation WordPress theme. It’s powerful, beautifully designed and comes with everything you need to engage your visitors and increase conversions.

Top Reviews

More Stories
Tubaagaliza olunaku olulungi