Ssaabasajja Kabaka Ronald Muwenda Mutebi II akubirizza abantu be okunyweza obumu olwo basobole okuwangula mu buli kimu. Bino bibadde mu bubaka bwe ku mukolo okujaguliziddwa amazaalibwa ge mu Lubiri, e Mengo, n’akiggumiza nti okunyweza obumu gwe musingi ogunaatutuusa ku buwanguzi.
Beene abadde omusanyufu akubirizza abantube okwekuuma nga balamu, bajjumbire okwekebeza n’okwewala emize egitattana obulamu bwabwe. Ssaabasajja yeebazizza abakulembeze b’Obwakabaka olw’okulambika obulungi abantube, ne basobola okuwuliriza n’okussa mu nkola ebyo ebyettanirwa Obwakabaka, n’okunywerera ku mulamwa.