Ssaabasajja bamuwadde amakula ga nnyumba 3 e Kigo
Kkampuni eyapatana omulimu gw’okuzimba ennyumba z’Obwakabaka e Kigo eya Guoji Cooperation Ltd, ewadde Ssaabasajja Kabaka Ronald Muwenda Mutebi II amakula ga nnyumba ssatu ezizimbiddwa e Kigo.
Amakula gano bagakwasizza Katikkiro Charles Peter Mayiga oluvannyuma ajja kuganjulire Ssaabasajja Kabaka. Katikkiro; “Mu nnono zaffe Ssaabasajja Kabaka aweebwa amakula era aba Guoji baakitegeera era kwekuwaayo ennyumba zino. Obwakabaka bwetegefu okukolagana n’abantu bangi, naye twagala okukolagana naabo abamanyi kyebakola, tetwagala mikago gya kuba bifaananyi twagala emikago egireeta enkulaakulana erabibwako. Bwokolagana n’omuntu nga kyaliko akimanyi ng’era akyagala, kyetaaga n’omunyweza.
