Abakulira Speke Apartments Wampewo bawandiikidde ekitebe kya Amerika mu Yuganda nebakiwa n’obujulizi ku kyaliwo ku lunaku Nandege Sheilah aka Nalongo Sheila Don Zella lwagamba nti bamubbako emitwalo gya ddoola 9.
Bano bagamba nti Don Zella atanakwatibwa yandigezaako okuva mu Ggwanga nga tanavunaanibwa. Ebbaluwa eraga nti mugandawe Shanitah yali ne Jeremy eyakwatiddwa ng’obubbi tebunabaawo. Abakulira Speke Apartments baagala ekitebe kiveeyo kirwanyisa okusaasanya ddoola ez’ebiccupuli kuba Jeremy yakwatiddwa ne ddoola emitwalo 6 ez’ebiccupuli zagamba nti ezo zeyajja mu room ya Don Zella.