Amyuka omukubiriza w’olukiiko olukulu olw’eggwanga Hon. Jacob Oulanyah awaliriziddwa okwongezaayo olutuula lwa Palamenti okutuusa ku Lwokubiri olujja oluvannyuma lw’ababaka ab’oludda oluvuganya Gavumenti okulemesa emirimu gya Palamenti okugenda mu maaso nga bayita mu kuleekaana awamu n’okuyimba oluyimba lw’eggwanga .
Olwaleero lwelubadde olunaku olw’ababaka b’akabondo ka NRM okuleeta ekiteeso eky’okukola ennongoosereza mu ssemateeka okuggya ekkomo ku myaka gy’omukulembeze w’eggwanga , wabula Palamenti egenze okutuula nga ekiteeso kino kiggyiddwa ku lukalala lw’ebyo ebirina okuteesebwako wabula Sipiika Oulanyah n’annyonnyola nti ekiteeso kyakuggya ssabbiiti eddako ekintu ekiggye ab’oludda oluvuganya mu mbeera nga baagala kisalibwewo leero kubanga tebakyetaagira ddala mu Palamenti.