Kadaga awadde Minisitule y’ebyenjigiriza nsaleesale ennyonnyole ku ky’okuggala amasomero

Sipiika wa Palamenti Rt. Hon. Rebecca Alitwala Kadaga awadde Minisitule evunaanyizibwa ku byenjigiriza n'emizannyo nsaleesale wa Lwakuna luno eveeyo erambulule bulungi ku nsonga y'okuggala amasomero agatalina bisaanyizo .

Kino kijjidde mu kiseera nga omubaka mu Palamenti ow'essaza ly'e Kibuku Hebert Kinobere okuvaayo neyeemulugunya ng'agamba nti enteekateeka y'okuggala amasomero kati yaakazingiramu lukumi mu bisatu (1300) agaakaggalwa ky'agamba nti kigenda kukosa nnyo abazadde. 

Kinobere ayagala Palamenti ewalirize Minisitule eyimirize enteekateeka eno kubanga abayizi abamu bali kumpi okudda ku masomero nga n'abalala bazzeeyo ky'agamba nti kigenda kutaataaganya okusoma kw'abayizi.