Ekibinja kya Bannayuganda 100 kivuddeyo nekiwandiikira omukubiriza w’olukiiko olukulu olw’eggwanga Rebecca Alitwala Kadaga nga baagala ayimirize akakiiko ka COSASE okuddamu okunoonyereza ku vvulugu mu Bbanka Enkulu ey’eggwanga naddala obuwumbi 478 bwebalemerwa okuwaako embalirira mu kakiiko akaali kakulemberwa Abdul Katuntu.
Bano nga bakulembeddwamu Kakulu Sam Brian omuyizi asoma amateeka ku UCU bagamba nti Ssentebe wa COSASE omupya Hon. Mubarak Munyangwa agezaako kuzannyira ku Babaka banne nga awa Dr. Louis Kasekende omwaganya okuwa embalirira y’obuwumbi 478 bwebalemererwa okunnyonyolera omulundi ogwasooka.
Bano era baagala Sipiika agobe Hon. Munyagwa ku bwa Ssentebe kuba atandise okwekobaana n’abakulu okuva mu Bbanka enkulu baddemu okunoonyereza mu kifo ky’okussa munkola ebyalambikwa akakiiko ka Katuntu.
Kutandikwa ya Wiiki eno Munyagwa yategeeza nga akakiiko ka COSASE bwekagenda okuddamu okutunula mu nsonga ezagazzaawo Crane Bank.
Leave a Reply
You must be logged in to post a comment.