Omumyuuka wa Sipiika Thomas Tayebwa avuddeyo nawolereza ekya Palamenti okutwalibwa mu bitundu by’Eggwanga ebyenjawulo nategeeza nti Sipiika alina obuyinza okusalawo wa Palamenti wetuula nti era y’ensonga lwaki Palamenti ezze etuula ku Serena, e Kololo n’ebifo ebirala.
Ayongeddeko nti Ababaka tebafangayo kukubaganya birowoozo ku kukyuusa ekifo werina okutuula.
Tayebwa era asambagizza ebigambibwa nti Palamenti yakukozesa obuwumbi 5 ku lutuula olugenda okubeera mu mambuka ga Uganda wabula agaanye okwogera ssente meka ezomuwi w’omusolo ezigenda okusaasanyizibwa era nategeeza Ababaka nti bakutegeezebwa mu butongole wa entuula gyezinabeera.