Omukulembeze w’oludda oluvuganya Gavumenti Winnie Kiiza avuddeyo n’agamba nti enkyukakyuka ezogerwako nti zakoleddwa mu bukulembeze bwa Palamenti ye azitwala nga olugambo kuba ye tanafuna bbaluwa mu butongole emutegeeza ekyo era ye akyakola emirimu gye nga Omukulembeze w’oludda oluvuganya Gavumenti.
Ayongedde n’agamba nti bino yabiwulidde mu ngambo nga ali mu Califonia mu lukungaana nga ogumu ku mirimu emitongole egikolebwa akulira oludda oluvuganya Gavumenti.
