Omumyuka asooka owa Mufti wa Uganda, Sheikh Abdallah Ssemambo yalayiziddwa olunaku lweggulo nga Mufti wa Uganda ow’ekiseera oluvannyuma lw’abamu ku bakiise ku lukiiko olukulu olwa Uganda Muslim Supreme Council olwa National General Assembly okugoba Shiek Shaban Ramadhan Mubajje ku bwa Mufti wa Uganda.
Sheikh Abdallah Ssemambo agenda kukulembera Abayisiramu okumala ebbanga lya myezi mukaga.
Wabula omwogezi wa Uganda Muslim Supreme Council, Ashiraf Muvawala asekeredde Ssemambo gwagambye nti aweereddwa byoya bya nswa kubanga amanyi bulungi amakubo agayitibwamu okulonda Mufti wa Uganda.