Search Results for “simba” – Page 111 – Radio Simba

Dennis Daniel Ssemugenyi, omu ku baali baagala okwesimbawo ku bwa Pulezidenti eyalemererwa okuweza emikono egimusemba okwesimbawo ku bwa Pulezidenti ngayita mu Bannamateeka be atutte Akakiiko k’ebyokulonda aketengeredde aka Independent Electoral Commission Uganda mu Kkooti ngayagala baddemu okuyita mu mikono gyeyawaayo egyagaanibwa.
Akakiiko kakakasizza nti kafunye empaaba yabano era kakubitunulamu.
#ffemmwemmweffe

Ssaabawandiisi wa National Unity Platform David Lewis Rubongoya avuddeyo nakakasa nti kyaddaaki Akakiiko k’ebyokulonda aketengeredde aka Independent Electoral Commission Uganda kabawadde Satifikeeti ekakasa nti bakungaanyizza emikono egimala okusemba Kyagulanyi Ssentamu Robert aka Bobi Wine okwesimbawo ku bwa Pulezidenti. Ono era alangiridde nga bwewabaddewo enkyuukakyuuka mu lunaku lwokuwandiisa omuntu waabwe okuva ku Lwokubiri nga 23 September okudda ku lwokusatu nga 24 ku ssaawa munaana.

#ffemmwemmweffe

Akwatidde ekibiina kya Forum for Democratic Change – FDC bendera ku kifo kya Pulezidenti @Nathan Nandala Mafabi aweereddwa Ssatifikeeti ekakasa nti yawezezza emikono egimusemba okwesimbawo ku kifo kya Pulezidenti okuva mu Kakiiko k’ebyokulonda aketengeredde aka Independent Electoral Commission Uganda.
Kati abakakasibwa bali 2 bokka Pulezidenti Yoweri Kaguta Museveni akwatidde ekibiina kya National Resistance Movement – NRM bendera ne Nandala Mafabi owa NRM.
#ffemmwemmweffe

Akakiiko k’ebyokulonda aketengeredde aka Independent Electoral Commission Uganda kavuddeyo nekategeeza nti oluvannyuma lwokwekeneenya emikono egyaweereddwayo okusemba Munnakibiina kya Alliance for National Transformation-Uganda Mugisha Muntu okwesimba wo ku bwa Pulezidenti kakizudde nti emikono gya Disitulikiti 48 gyegituukiridde.

#ffemmwemmweffe

Ssaabawandiisi wa National Unity Platform David Lewis Rubongoya ngawerekerwako Sasi Marvin enkya yaleero battute emikono gyabantu abeyimirira Pulezidenti wa NUP Kyagulanyi Ssentamu Robert aka Bobi Wine okwesimbawo ku kifo ky’Omukulembeze w’Eggwanga mu kalulu ka bonna aka 2026 eri Akakiiko k’Ebyokulonda aketengeredde aka Independent Electoral Commission Uganda.

Ekibiina kitegeezezza nti yadde akakiiko kaali ketaaga emikono 100 okuva mu Disitulikiti 98, omuwendo gwabantu abayagadde okuteekako emikono gwabasusseeko era basiimye nnyo Bannayuganda olwobwagazi bwebabalaze.

#ffemmwemmweffe

Omubaka wa Makindye East Munnakibiina kya National Unity Platform Hon Nyeko Derrick avuddeyo ku mukutu gwe ogwa X nategeeza nga bwasazeewo okuva mu lwokaano nga tagenda kwesimbawo ku kifo ky’Omubaka.

Ono agamba nti akimanyi bulungi nti abawagizi be wamu ne ttiimu ye kigenda kubayisa bubi kuba akakasa bulungi nti abadde asobola okuwangula nti wabula oluvannyuma lwokwefumiitiriza asazeewo obutesimbawo.

#ffemmwemmweffe

Ssentebe w’Akakiiko k’ebyokulonda mu Democratic Front (DF) Henry Lubowa avuddeyo nawanjagira abo bonna abatafunye kkaadi mu National Resistance Movement – NRM wamu ne National Unity Platform okudduka zambwa befunire kkaadi za DF.
Ono agamba nti DF yayongezzaayo enaku ezokukwatirako empapula okuva eri abo bonna abaagala okwesimbawo ku bifo ebyenjawulo nekigendererwa ekyokuwa omukisa abo abasuuliddwa ebibiina ebirala.
Bya Nasser Kayanja
#ffemmwemmweffe

Pulezidenti Yoweri Kaguta Museveni era Ssentebe wa National Resistance Movement – NRM olunaku lw’eggulo ku State Lodge e Nakasero yasisinkanye abesimbawo ku kya Ssentebe wa NRM owa Entrepreneurs League okuli; Hon. Sanja Tanna, Kakuru Phillip, H.E. King Ceasor Mulenga ne Al Hajj Hassan Basajjabalaba bwebatyo nebakiriziganya ekifo kino okukirekera Basajjabalaba, nayitamu nga tavuganyiziddwa.
Pulezidenti yasiimye nnyo Rt. Hon. Thomas Tayebwa olwokutabanganya bano nebatuuka kunzikiriziganya.
Bya Barbara Nabukenya
#ffemmwemmweffe

Katikkiro Charles Peter Mayiga avuddeyo ku mukutu ggwe ogwa X neyemulugunya ku ngeri abaagala okwesimbawo ku kifo ky’Omukulembeze w’Eggwanga kyebakifuddemu ekyolejeregerero nga bataddemu ne katemba.
Katikkiro agamba nti ekifo kya Pulezidenti kyadivuganyiziddwako abantu abalina ebisaanyizo; nga balina okumanya, obusobozi bwokugonjoola ensonga okusobozesa Eggwanga okuyitimuka wamu n’enguga ey’amateeka mu Uganda. Ayongeddeko nti olwebeeya lw’abantu abali eyo mu 190, ekigendererwa kyakunabuula makulu ga byakulonda nga kino kyadiviirako abantu obutalonda.

On Air

Emboozi Kafunda Live