Omubeezi wa Minisita ow’Abakozi, emirimu n’ebyamakolero Mwesigwa Rukutana ateereddwa ku kakalu ka Kkooti olunaku olwaleero. Rukutana abadde ku alimanda mu kkomera e Kitalya erisangibwa mu Disitulikiti y’e Wakiso ateereddwa Omulamuzi Sarah Kolya Mponye ku bukadde 4 obwobuliwo mu Kkooti y’e Ntungamo.
Ono avunaanibwa n’Abakuumi be 2 okukuba amasasi emotoka y’omuwagizi wa gweyali avuganya Naome Kabasharira nalumya Dan Rwibirungi.
Rukutana yeyimiriddwa abantu bano nga bano basasudde obukadde 50 buli obutali bwabuliwo okubadde; Jim Muhwezi, Robert Kabonero, Michael Mawanda, ne Haji Ali Mutebi. Rukutana alagiddwa okuleka ppaasipooti ye mu Kkooti.
Wabula bbo bavunaanibwa nabo okuli Egec Paul, Kozala Faisal ne Okello John Bosco bakyali mu nkomyo. Rukutana wakudda mu Kkooti nga 3 – November.