🚨 Rtd. Col. Dr. Kizza Besigye avuddeyo natiisatiisa obutadda mu Kkooti ku musango gw’okulya olukwe mu Nsi ogumuvunaanibwa nga agamba nti Omulamuzi Emmanuel Baguma ayolesezza kyekuubiira atagambika nga akwasa oludda oluwaabi ekisa.
Besigye ategeezezza nti wakusalawo okusigala awaka (ekkomera) aleke Kkooti esalewo gyeyagala.
Okwogera bino kidiridde oludda oluwaabi okusaba Kkooti okukweka ebikwata ku bajulizi 6 abalumiriza Besigye ne banne era omulamuzi nakikiriza.
Besigye ne Bannamateeka be bagamba nti okusaba kuno tebakufunako mu buwandiike nabwekityo tebasobola kuwa ludda lwabwe ku kino.
Omulamuzi Baguma alagidde abasibe 3 ne Bannamateeka baabwe baweebwe ku bbaluwa eno olwaleero nga babasuubira okwanukula nga 26 – March nga tebanadda mu Kkooti nga 31-March.
🌐 Soma ebipya: https://www.radiosimba.ug