Pulezidenti wa Democratic Republic of the Congo, Felix Tshisekedi alangiridde nti agenda kuzimba ekikomera ku nsalo yaabwe ne Rwanda amawanga gano geyawule bulungi okusobola okutaasa abantu be ku bayeekera ba M23.
Ono agamba ekimuwalirizza okusalawo bwatyo kwekuba nti Rwanda evujjirira abayeekera ba M23 n’ekigendererwa eky’okutabangula DR Congo n’okugibba wabula bino Rwanda ebyegaana.
Tshisekedi agamba abasinga baagala DR Congo ne Rwanda bakolagane bulungi nga ab’oluganda naye tekisoboka kubanga Rwanda erina n’enkwe enyingi.
Okwogera bino Tshisekedi yasinzidde Congo Brazzaville ku lw’omukaaga mu lukungaana lw’Amawanga agasinga okubaamu ebibira eby’amaanyi.