Pulezidenti Yoweri Kaguta Museveni mu bubaka bwe bwatisse Omumyuka we, Hon Jessica Epel Alupo ku mukolo gw’okutuuza Omusumba omuggya ow’Essaza Kasana – Luweero, Msgr. Lawrence Mukasa yebazizza Abasumba abaasooka okukulembera Essaza lino baagambye nti bakola kinene mu kukula kwalyo.
Mungeri yeemu yebazizza Keleziya olw’okukolagana obulungi ne Gavumenti ya National Resistance Movement – NRM ekiyambye nnyo mu nkulaakulana y’Eggwanga. Pulezidenti Museveni atonedde Rev. Lawrence Mukasa ekirabo kya mmotoka kapyata kika Land cruiser Prado okumuyambako ku mirimu.