Pulezidenti Yoweri Kaguta Museveni ng’akozesa obuyinza obumuweeebwa Ssemateeka wa Uganda akkirizza bamusigansimbi okuva mu Ggwanga lya United Arab Emirates (UAE) okuzimba ekisaawe ky’ennyonyi mu kkuumiro ly’ebisolo lya Kidepo Valley National Park.
Bino bivudde mu nsisinkano n’abakungu b’ekibiina ki Sharjah Chamber of Commerce & Industry nga bano babadde bakulembeddwamu Ssentebe w’olukiiko olufuzi, Abdullah Sultan Al Owais.
Pulezidenti alagidde bamusiga nsimbi bano okubeera abaagendereza nnyo nga bazimba ekisaawe kino baleme kukosa bisolo ebikuumibwa era n’abasuubiza okubasonyiwa emisolo singa enteekateeka eno gyebamwanjulidde etuukirizibwa bulungi kubanga egenda kwongera okutumbula eby’obulambuzi mu Ggwanga.
Leave a Reply
You must be logged in to post a comment.